मिडफिल्डर बिसौमा टोटेनहममा

काठमाडौं । इंग्लिस क्लब टोटेनहमले मिडफिल्डर एभेस बिसौमालाई अनुबन्ध गरेको छ ।

टोटेनहमले ब्राइटनबाट बिसौमालाई अनुबन्धित गरेको हो ।

२५ वर्षीय मिडफिल्डरले टोटेनहमसँग ४ वर्षको सम्झौता गरेका छन् ।

मालीका मिडफिल्डर बिसौमा २०१८ को जुलाईमा लिलबाट ब्राइटन आएका थिए ।

ब्राइटनका लागि उनले १ सय २४ खेल खेलेका छन् ।

टोटेनहमले उनलाई तेस्रो खेलाडीको रुपमा अनुबन्ध गरेको हो ।

यस अघि टोटेनहमले गोलकिपर फ्रेसर फोर्स्टर र इभान पेरिसिचलाई अनुबन्ध गरेको थियो ।