नेपालको फिफा महिला वरीयता सुधार

काठमाडौं । नेपालको फिफा महिला वरीयतामा सुधार भएको छ ।

विश्व फुटबलको सर्वोच्च निकाय फिफाले शुक्रबार सार्वजनिक गरेको नयाँ वरीयतामा नेपालले एक स्थान सुधार गरेको हो ।

नयाँ वरीयतामा नेपाल १०१ औं स्थानमा रहेको छ  ।

अघिल्लो पटकको वरीयतामा नेपाल १०२ औं स्थानमा रहेको थियो ।

एसियाली राष्ट्रको वरीयतामा भने नेपाल २१ औं स्थानमा रहेको छ ।

यस्तै दक्षिण एसियाली राष्ट्रको वरीयता नेपाल दोस्रो स्थानमा रहेको छ । नेपाल भन्दा अघि रहेको भारत ५९ औं स्थानमा रहेको छ ।

विश्व वरीयतामा अमेरिका शीर्ष स्थानमा यथावत छ । यस्तै स्विडेन दोस्रो स्थानमा रहदा फ्रान्स तेस्रो स्थानमा झरेको छ ।

जर्मनी चौंथो र नेदरल्यान्ड्स पाँचौं स्थानमा रहेको छ ।

त्यस्तै क्यानडा छैठौं,  स्पेन सातौं, इंग्ल्यान्ड आठौं,  ब्राजिल नवौं र उत्तर कोरिया १० औं स्थानमा रहेको छ ।