पिर्लो टर्किस क्लबको मुख्य प्रशिक्षक नियुक्त

काठमाडौं ।  इटालियन प्रशिक्षक आन्द्रे पिर्लो टर्किस क्लब फातिह कारागुम्रुक एसकेको मुख्य प्रशिक्षक नियुक्त भएका छन् ।

टर्किस क्लबले आइतबार पिर्लोलाई मुख्य प्रशिक्षक नियुक्त गरिएको जनाएको छ ।

टर्किस सुपर लिगा क्लबले पिर्लोलाई एक वर्षका लागि मुख्य प्रशिक्षक चयन गरेको हो ।

कारागुम्रुक एसकेले अहिलेसम्म टर्किस लिग जित्न सकेको छैन । गत सिजन कारागुम्रुक एसके लिगको आठौं स्थानमा रहेको थियो ।

युभेन्ट्सबाट बर्खास्तमा परेपछि पिर्लोले पहिलो पटक क्लब सम्हाल्न लागेका हुन् ।   

युभेन्ट्सले २०२१ मे मा पिर्लोलाई बर्खास्त गरेको थियो ।

४३ वर्षीय पिर्लोको नेतृत्वमा युभेन्ट्सले कोपा इटालिया जितेको थियो ।