स्विजरल्याण्डसँग हार्यो पोर्चुगल

काठमाडौं । यूईएफए नेसन्स लिग फुटबलमा पोर्चुगल पराजित भएको छ ।

आइतबार राति भएको खेलमा पोर्चुगललाई स्विजरल्याण्डले १-० गोल अन्तरले  हराएको हो ।

स्विजरल्याण्डलाई जित दिलाउन हरिस सेफेरोभिकले निर्णायक गोल गरे ।

स्विजरल्याण्डलाई जित दिलाउन हरिसले खेलको पहिलो मिनेटमै गोल गरेका थिए । जुन गोल निर्णायक बन्यो ।

क्रिस्टियानो रोनाल्डोबिना मैदान उत्रिएको पोर्चुगलले पाएको मौकालाई सदुपयोग गर्न सकेन । जसको कारण स्विजरल्याण्डसँग अंक गुमाएको छ ।

यस हारसँगै लिग ए समूह २ को पोर्चुगलले ४ खेलमा ७ अंक जोडेको छ ।

पोर्चुगल समूहको दोस्रो स्थानमा रहेको छ ।

स्विजरल्याण्ड ४ खेलमा ३ अंक जोडेर पुछारमा रहेको छ ।