हारबाट जोगियो जर्मनी

काठमाडौं । यूईएफए नेसन्स लिग फुटबल अन्तर्गत जर्मनीले हंगेरीसँग बराबरी खेलेको छ ।

समूह चरण अन्तर्गत शनिबार राति जर्मनीले हंगेरीसँग १-१ गोलको बराबरी खेलेको हो ।

खेलको छैटौं मिनेटमा सोल्ट नागीले गोल गर्दै हंगेरीलाई सुरुआती अग्रता दिलाएका थिए ।

तर, खेलको नवौं मिनेटमा जोनास होफम्यानले गोल गर्दै जर्मनीलाई १-१ गोलको बराबरीमा ल्याए ।

यस बराबरीसँगै लिग ए समूह ३ को जर्मनीले ३ खेलमा ३ अंक जोडेको छ ।

जर्मनी तेस्रो स्थानमा रहेको छ ।

हंगेरी ३ खेल ४ अंक जोडेर दोस्रो स्थानमा रहेको छ ।