रियल मड्रिडद्वारा सेल्टा पराजित

एजेन्सी । स्पेनिस ला लिगा फुटबलमा रियल मड्रिडले सेल्टा भिगोलाई पराजित गरेको छ । आइतबार राति भएको खेलमा रियलले १० खेलाडीमा सिमित सेल्टालाई ४ - २ ले पराजित गरेको हो ।

सेल्टाको मैदानमा रियललाई जित दिलाउन करिम बेन्जिमा, सर्जियो रामोस र डानी सेलाबोसले एक एक गोल गरे ।

रियलले एक गोल आत्मघाती उपहार पाएको थियो । सेल्टाका हुगो माल्लो र ब्रेइस मेन्डेजले एक एक गोल गर्दा गुस्टाभो काब्रलले एक आत्मघाती गोल गरे ।

खेलको ८७ औं मिनेटमा गुस्टाभो काब्रलले रातो कार्ड पाएपछि सेल्टा १० खेलाडीमा समेटिएको थियो ।

जितसंगै रियलले १२ खेलबाट २० अंक जोडेको छ । र, शीर्ष स्थानको टोलीविरुद्धको अंक दुरी कम गरेको छ । रियल लिगको छैटौं स्थानमा छ । पराजित सेल्टा १४ अंक जोडेर चौधौ स्थानमा छ ।