रोमान्चक पेनाल्टीमा जित निकाल्दै आर्मी फाइनलमा  

काठमाडौं । विभागीय टोली त्रिभुवन आर्मी क्लब हेटौंडामा जारी स्थानीय तह सहिद स्मृती अन्तराष्ट्रिय मकवानपुर गोल्डकप फुटबल प्रतियोगिताको फाइनलमा प्रवेश गरेको छ ।

हेटौंडाको पिप्ले रंगशालामा  शनिबार भएको दोस्रो सेमिफाइनलका क्यामरुनको एभनिर एफसीलाई पेनाल्टी सुटआउटमा ११-१० ले पराजित गर्दै आर्मीले उपाधिको यात्रा तय गरेको हो ।

अब आर्मीले उपाधिका लागि घरेलु टोली विजय युथ क्लबसँग प्रतिस्पर्धा गर्नेछ ।

रोमान्चक खेलको ९० मिनेट १-१  गोलको बराबरीमा सकिएपछि खेल पेनाल्टीमा गएको थियो । पेनाल्टीमा अर्को सफल भयो ।

आर्मीका लागि खेलको दोस्रो हाफमा  दिनेश हेन्जनले गोल गर्दै अग्रता बनाएका थिए । खेलको अन्तिम मिनेटमा आर्मी सम्हालिन नसक्दा एभरनिर एफसी क्यामरुनका जिकाले गोल गर्दै खेल बराबरीमा ल्याएका थिए ।

खेलमा आर्मीका दिनेश हेन्जनले म्यान अफ दि म्याच घोषित हुँदै नगद १० हजार प्राप्त गरेका छन् ।

प्रतियोगितामा विजेताले १५ लाख र उपविजेताले १० लाख प्राप्त गर्ने छन् ।

त्यस्तै प्रतियोगिताको विधागत उत्कृष्ट गोलरक्षक, डिफेन्डर, मिडफिल्डर, फरवार्ड, सर्वाधिक गोलकर्ता तथा उत्कृष्ट प्रशिक्षकलाई जनही २५ हजार रुपैयाँ सहित ट्रफी प्रदान गरिने छ ।

सर्वोत्कृष्ट खेलाडीले बुलेट मोटरसाइल प्राप्त गर्ने छन् ।