नेपालमा १९ दिन 'ओलम्पिक डे' मनाईने

काठमाडौं । अन्तराष्ट्रिय ओलम्पिक दिवसको अवसरमा नेपालमा दुई हजार बढी कार्यक्रम आयोजना गरेर मनाईने भएको छ ।

नेपाल ओलम्पिक कमिटि अन्तर्गतको स्पोर्ट्स फर अल कमिसन नेपालले बुधबार पत्रकार सम्मेलन गर्दै 'ओलम्पिक डे' को अवसरमा २ हजार ४ सय ८६ कार्यक्रम आयोजना गरिने जनाएको छ ।

कमिसनले १९ दिन मनाईने ओलम्पिक डे को मुख्य कार्यक्रम भने जुन २३ (असार ९) मा हुने जनाएको छ ।

आधुनिक ओलम्पिक स्थानमा भएको दिनको अवसर पारेर मनाउन थालिएको ओलम्पिक डे जुन २३ (असार ९) मा विश्वभर मनाउने गरिन्छ ।  

नेपालमा जेठ २२ गतेबाट असार ९ गतेसम्म विविध कार्यक्रम गरि मनाईने कमिसनले जनाएको छ । जसमा २ लाख २५ हजार ४ सय ४५ व्यक्तिको सहभागिता रहनेछ ।

कमिसनले यसपटक  राष्ट्रिय खेलकुद संघ संस्था, विभिन्न विधालय, सुरक्षा निकाय तथा विभिन्न संघ संस्थाको सहभागिता रहने जनाएको छ ।