आरसी ३२ विजयी, ओसिस रेलिगेसनमा

काठमाडौं ।  आरसी ३२ फुटबल एकेडेमीले सहिद स्मारक 'सी' डिभिजन लिगमा जित निकालेको छ ।

एन्फा कप्लेक्स सातदोबाटोमा आइतबार आरसी ३२ ले मनोहरा युनाईटेडलाई २-१ गोल अन्तरले हराएको हो ।

आरसी ३२ को जितमा बबिन बोहरा र विवेक सन्तोषीले एक एक गोल गरे ।

मनोहराका मोहन बहादुर थापा मगरले एक गोल गरे ।

जितसँगै आरसी ३२ ले १२ खेलमा २८ अंक जोडेको छ ।

मनोहराले १२ खेलमा १३ अंक जोडेको छ ।

अर्को खेलमा महाबिर क्लबले ओसिस क्लबलाई ३-० ले हराएको छ ।

महाबिरको जितमा रोमन तामाङले दुई तथा सुरज थारुले एक गोल गरे । 

जितसँगै महाबिरले १२ खेलबाट २२ अंक जोडेको छ ।

ओसिसले १२ खेलमा ४ अंक जोडेको छ ।

यस हारसँगै ओसिस रेलिगेसनमा परेको छ ।

त्यस्तै अर्को खेलमा रानीबन स्पोर्ट्स क्लबले खालीबारी युथ क्लबलाई ४-० ले हराएको छ ।