‘अर्को सिजनको फाईनल हेर्न होटल बुक गर्नु’

एजेन्सी । लिभरपुलका प्रशिक्षक योर्गेन क्लोपले च्याम्पियन्स लिगको अर्को सिजन इस्तानबुलमा हुने फाईनल हेर्नका लागि ‘होटल बुक’ गर्न प्रशंसकलाई आग्रह गरेका छन् ।

च्याम्पियन्स लिग फाईनलमा शनिबार राति रियल मड्रिडसँग १–० ले पराजित बनेपछि लिभरपुल प्रशिक्षक क्लोपले अर्को सिजन इस्तानबुलमा हुने च्याम्पियन्स लिगको फाईनल हेर्न होटल बुक गर्न क्लबका प्रशंसकलाई भनेका हुन् । 

लिभरपुलले यस सिजन एफ ए कप र लिग कप मात्र उचाल्न सक्यो । प्रिमियर लिगको उपाधि एक अंकले पछि रहदै म्यानचेस्टर सिटीलाई सुम्पियो भने च्याम्पियन्स लिगको उपाधि रियल मड्रिडलाई ।

‘मसँग बलियो भावना छ । हामी फेरी आउनेछौं । खेलाडीहरु प्रतिस्पर्धी छन् । हामीसँग अर्को सिजन एक उत्कृष्ट समूह हुनेछ ।’ उनले भने । 

‘अघिल्लो सिजन कहाँ हुनेछ ? ईस्तानबुल ? होटल बुक गर्नु ।’ क्लोपले भनेका छन् ।

फ्रान्समा पहिलो हाफको खेलमा रियलविरुद्ध लिभरपुलले गोलका धेरै अवसर सिर्जना गरेको थियो । तर चेल्सीका पूर्व गोलकिपर थिबाउट कर्टोइसको उत्कृष्ट फर्मले लिभरपुललाई निराश पार्यो । उनले केही उत्कृष्ट बचाउन गर्दै लिभरपुललाई निराश बनाएका थिए ।

‘ड्रेसिङ रुपमा कसैलाई पनि लागेन, यो सिजन शानदार थियो ।’ क्लोपले भने, ‘हामीलाई यसका लागि केही घण्टाको आवश्यकता हुनेछ ।’

‘हामीले राम्रो खेल प्रर्दशन गर्यौ । यो उत्कृष्ट थिएन । खेलाडीले सक्दो प्रयास गरे । जब १–० ले पछि परे, खेलाडीले जसरी खेले, त्यो अघि खेल्न पर्ने थियो ।’ उनले भने ।