कोम्पनीले छाडे एण्डरलेच्ट

काठमाडौं । बेल्जियम क्लब एण्डरलेच्टका मुख्य प्रशिक्षक भिन्सेन्ट कोम्पनीले क्लब छाडेका छन् ।

बेल्जियमको शीर्ष डिभिजन लिग क्लब एण्डरलेच्टले आपसी समझदारीमा कोम्पनीले टोली छाडेको जनाएको छ । 

कोम्पनीले एण्डरलेच्टलाई यस सिजनको लिगमा तेस्रो र बेल्जियन कपमा उपविजेता बनाएका थिए ।

उनी २०२० को अगस्टमा एण्डरलेच्टको मुख्य प्रशिक्षक नियुक्त भएका थिए ।

उनले एण्डरलेच्टका लागि ९५ खेलमा ४३ जित दिलाएका छन् ।

त्यसअघि उनले एण्डरलेच्टका लागि खेलेका थिए ।

म्यानचेस्टर सिटीका पूर्व कप्तान समेत रहेका कोम्पनी इंग्लिस क्लब बर्नलीका मुख्य प्रशिक्षक बन्ने तयारीमा रहेका छन् ।

बर्नली यस सिजन प्रिमियर लिगबाट रेलिगेसनमा पर्दै च्याम्पियनसिपमा घटुवा भएको थियो ।