यू-१७ एसियन कप छनोट : नेपाल समूह 'एफ' मा

काठमाडौं । एएफसी यू-१७ एसियन कप छनोटमा नेपाल समूह 'एफ' मा परेको छ ।

एएफसीले मंगलबार सार्वजनिक गरेको 'ड्र' मा नेपाल समूह 'एफ' मा परेको हो ।

नेपालको समूहमा थाइल्याण्ड, भियतनाम र चाइनिज ताईपे रहेको छ ।

यस समूहको छनोट खेल भियतनाममा अक्टोबर १ देखि ९ सम्म हुनेछ ।  

समूह विजेताले बहराइनमा आयोजना हुने एसियन कपमा स्थान बनाउने छन् ।

एएफसीले छनोट खेल्ने ४४ राष्ट्रलाई १० समूहमा विभाजन गरेर ड्र निकालेको हो ।

हरेक समूहको विजेताले बहराइनको यात्रा तय गर्नेछ । यस्तै समूहको दोस्रो हुने उत्कृष्ट ५ टोलीले समेत एसियन कप खेल्नेछ ।

 एएफसी यू-१७ एसियन कपमा १६ टोलीले प्रतिस्पर्धा गर्ने छन् ।

समूह विभाजन -