मिडफिल्डर कमारा एस्टनमा अनुबन्धित

काठमाडौं । इंग्लिस क्लब एस्टन भिल्लाले मिडफिल्डर बुबाकर कमारालाई अनुबन्ध गरेको छ ।

एस्टनले फ्रेन्च क्लब मार्सेबाट मिडफिल्डर कमारालाई अनुबन्ध गरेको हो ।

२२ वर्षीय मिडफिल्डरले एस्टनसँग पाँच वर्षको सम्झौता गरेका छन् ।

एस्टनले उनलाई फ्री ट्रान्सफरमा अनुबन्ध गरेको हो ।

मार्सेको एकेडेमीमा हुर्किएका कमाराले सिनियर टोलीका लागि १ सय भन्दा बढी खेल खेलेका थिए ।  

हालै सकिएको सिजन क्लबलाई दोस्रो स्थानमा पुर्राउदै च्याम्पियन्स लिगमा छनोट गराउन कमाराले उत्कृष्ट प्रदर्शन गरेका थिए ।

फिलिपे कौटिन्हो अनुबन्ध गरेपछि एस्टनले दोस्रो खेलाडीको रुपमा कमारालाई अनुबन्ध गरेको हो ।