आरसी ३२ लाई हराउँदै झापा शीर्ष स्थानमा

काठमाडौं । झापा फुटबल क्लब सहिद स्मारक 'सी' डिभिजन लिगको शीर्ष स्थानमा उक्लिएको छ ।

एन्फा कप्लेक्स सातदोबाटोमा सोमबार आरसी ३२ फुटबल एकेडेमीलाई २-१ गोल अन्तरले हराउँदै झापा शीर्ष स्थानमा उक्लिएको हो ।

झापाको जितमा पेमा तामाङ र विशाल खवासले एक एक गोल गरे ।

आरसी ३२ का धन सिंह बिकेले एक गोल फर्काए ।

जितसँगै झापाले १० खेलमा २५ अंक जोडेको छ । र, शीर्ष स्थानमा उक्लिएको छ ।

आरसी ३२ १० खेलमा २२ अंक जोडेर दोस्रो स्थानमा रहेको छ ।

'सी' डिभिजनमा १४ क्लबले प्रतिस्पर्धा गरिरहेका छन् ।

लिगका शीर्ष दुई टिम 'बी' डिभिजनमा बढुवा हुनेछन् । दुई टिम रेलिगेशनमा पर्नेछन् ।