लिभरपुलले अनुबन्ध गर्यो युवा फरवार्ड

काठमाडौं । इंग्लिस क्लब लिभरपुलले युवा फरवार्ड फाबियो कार्भाल्होलाई अनुबन्ध गरेको छ ।

लिभरपुलले सोमबार १९ वर्षीय फरवार्ड अनुबन्ध गरिएको जनाएको छ ।

लिभरपुलले फुलहमबाट ८ मिलियनमा कार्भाल्होलाई अनुबन्ध गरेको हो ।

कार्भाल्हो जुलाई १ बाट रेड्समा अनुबन्धित हुनेछ ।

सन् २०२१-२२ को सिजन फुलहमका लागि उनले ३६ खेलमा १० गोल गरेका थिए । यस्तै आठ असिस्ट गरेका छन् ।

फुलहमले च्याम्पियनसिपको उपाधि जित्दा उनको भूमिका महत्वपूर्ण रहेको थियो ।

पोर्चुगिज युवा फरवार्डले पोर्चुगलका लागि यू-२१ टोलीबाट खेलिसकेका छन् ।