बार्सिलोनाद्वारा हारबाट सिजनको अन्त्य

काठमाडौं । स्पेनिस ला लिगा फुटबल अन्तर्गत सिजनको आफ्नो अन्तिम खेलमा बार्सिलोना पराजित भएको छ ।

आइतबार राति भएको खेलमा बार्सिलोना भिल्ला रियलसँग २-० गोलले पराजित भएको हो ।

अल्फन्सो पेड्राजाले ४१ औं मिनेटमा गोल गर्दै भिल्लालाई सुरुआती अग्रता दिलाएका थिए ।

त्यसपछि खेलको ५५ औं मिनेटमा मोई गोमेजले गोल गर्दै भिल्लालाई २-० को जित दिलाए ।

यस हारसँगै बार्सिलोनाले ३८ खेलमा ७३ अंक जोडेर सिजनको अन्त्य गरेको छ ।

बार्सिलोनाले दोस्रो स्थानमा रहेर सिजनको अन्त्य गरेको हो ।

यस्तै बार्सिलोनाले पछिल्लो १४ वर्षमा सबैभन्दा कम अंक जोडेर सिजनको अन्त्य गरेको छ ।

भिल्ला रियल ५९ अंक जोडेर सातौं स्थानमा रह्यो ।