काठमाडौं । इटालियन सिरी ए फुटबल अन्तर्गत सिजनको आफ्नो अन्तिम खेलमा इन्टर मिलानले जित निकालेको छ ।
आइतबार राति भएको खेलमा इन्टरले साम्पडोरियालाई ३-० ले हराएको हो ।
इन्टरलाई जित दिलाउन जोआक्विन कोरियाले दुई गोल गरे ।
खेलको ४९ औं मिनेटमा इभान पेरिसिचले गोल गर्दै इन्टरलाई सुरुआती अग्रता दिलाएका थिए ।
५५ औं मिनेटमा कोरियाले गोल गर्दै इन्टरलाई २-० को अग्रता दिलाए ।
त्यसपछि खेलको ५७ औं मिनेटमा कोरियाले व्यक्तिगत दोस्रो गोल गर्दै इन्टरलाई ३-० को जित दिलाए ।
तर, इन्टर उपाधि रक्षा गर्न असफल भयो ।
इन्टरले ३८ खेलमा ८४ अंक जोड्यो । इन्टर दोस्रो स्थानमा रह्यो ।
इन्टर च्याम्पियन एसी मिलान भन्दा २ अंकले पछि पर्यो ।
साम्पडोरिया ३६ अंक जोडेर १५ औं स्थानमा रह्यो ।
