अन्तिम खेलमा लिभरपुलको जित

काठमाडौं । इंग्लिस प्रिमियर लिग फुटबल अन्तर्गत सिजनको आफ्नो अन्तिम खेलमा लिभरपुलले जित निकालेको छ ।

आइतबार राति भएको खेलमा लिभरपुलले उल्भ्सलाई ३-१ गोल अन्तरले हराएको हो ।

लिभरपुलले सुरुआती एक गोलको अग्रता उल्टाएर जित निकालेको हो ।

खेलको तेस्रो मिनेटमा नेटोले गोल गर्दै उल्भ्सलाई सुरुआती अग्रता दिलाएका थिए ।

तर, २४ औं मिनेटमा साडियो मानेले गोल गर्दै लिभरपुललाई १-१ गोलको बराबरीमा ल्याए ।

खेलको ८४ औं मिनेटमा मोहमद सलाहले गोल गर्दै लिभरपुललाई २-१ को अग्रता दिलाए ।

त्यसपछि खेलको ८९ औं मिनेटमा एन्डी रोबर्टसनले गोल गर्दै लिभरपुललाई ३-१ को जित दिलाए ।

अन्तिम खेलमा जित निकालेपनि लिभरपुलले उपाधि जित्न सकेन ।

लिभरपुल ९२ अंक जोडेर दोस्रो स्थानमा रह्यो ।

लिभरपुल म्यानचेस्टर सिटी भन्दा एक अंकले पछि परेको हो ।

उल्भ्स ५१ अंक जोडेर दशौँ स्थानमा रह्यो ।