अन्तिम खेलमा हार्यो युभेन्ट्स

काठमाडौं । इटालियन सिरी ए फुटबलमा युभेन्ट्स पराजित भएको छ ।

शनिबार राति भएको सिजनको आफनो अन्तिम खेलमा युभेन्ट्सलाई फियोरेन्टिनाले २-० ले हराएको छ ।

फियोरेन्टिनालाई जित दिलाउन अलफ्रेड डुनकान र निकोलस गोन्जालेजले एक एक गोल गरे ।

पहिलो हाफको इन्जुरी समयमा अलफ्रेडले गोल गर्दै घरेलु टोलीलाई अग्रता दिलाएका थिए ।

त्यसपछि खेलको इन्जुरी समयमा निकोलसले गोल गर्दै फियोरेन्टिनालाई २-० को जित दिलाए ।

यस जितसँगै फियोरेन्टिनाले ६२ अंक जोडेर सातौं स्थानमा रहदै सिजनको अन्त्य गरेको छ ।

युभेन्ट्सले ७० अंक जोड्दै चौंथो स्थानमा रहेर सिजनको अन्त्य गरेको छ ।