ब्रोएन बने प्लेयर अफ द सिजन

एजेन्सी । म्यानचेस्टर सिटीका केभिन डि ब्रोएनले प्रिमियर लिगको प्लेयर अफ द सिजनको उपाधि जितेका छन् । 

बेल्जियमका मिडफिल्डर डि ब्रोएनले यो सिजन चोटपछि पुनरागमन गर्दै १५ गोल गरेका छन् र सात गोलको अवसर पनि सिर्जना गरेका छन् ।

उपाधि रक्षाको अन्तिमदिन अघि सम्म सिटी लिगको शीर्ष स्थानमा छ । ‘दोस्रो पटक यो अवार्ड जित्न पाउनु एउटा उपलब्धि हो । जसमा मलाई गर्व छ ।’ उनले भनेका छन् ।

प्रिमियर लिगको वेबसाइटमा रहेका २० प्रिमियर लिग क्लबका कप्तान र फुटबल विज्ञको प्यानलको मतलाई मिलाएर डि ब्रोएनलाई छनोट गरिएको हो । 

उनका सहकर्मी साथी जोआओ क्यान्सेलो, लिभरपुलका मोहम्मद सलाह र ट्रेन्ट अलेक्ज्याण्डर–अर्नोल्ड, वेस्ट ह्यामका जारोड बोवेन, आर्सनलका बुकायो साका, टोटनह्यामका फरवार्ड सन ह्युङ–मिन र साउथह्याम्प्टनका मिडफिल्डर जेम्स वार्ड–प्रोस पनि मनोनयनमा परेका थिए । 

डि ब्रोएनले २०१९÷२० मा पनि यो अवार्ड आफ्नो नाम गर्दै थियरी हेनरी, क्रिस्टियानो रोनाल्डो र नेमान्जा विडिकसँगै एक भन्दा बढी सिजन यो अवार्ड जित्ने कीर्तिमान बराबरी गरेका थिए ।