रियल अध्यक्षले भने, 'एमबाप्पे आउँदैनन्'

एजेन्सी । स्पेनिस क्लब रियल मड्रिडका अध्यक्ष फ्लोरेन्टिनो पेरेजले केलियन एमबाप्पे क्लबमा नआउने बताएका छन् । 
उनले ड्रेसिङ रुममा पुगेर खेलाडीलाई एमबाप्पे आफुहरु नआउने प्रस्ट पारेका हुन् । 

फ्रोन्सेली सुपर स्टारले पीएसजी र रियल मड्रिडबाट लगभग समान प्रस्ताव आएको प्रतिक्रिया दिए लगत्तै पेरेजको यो भनाई बाहिर आएको हो ।

पीएसजीका सर्वाधिक गोलकर्ता तथा विश्व विजेता एमबाप्पेलाई अनुबन्ध गर्न रियलले लामो समयदेखि प्रयास गरिरहेको छ ।

स्पेनिस लिगको अन्तिम खेलपछि रियलको ड्रेसिङ रुपमा पुगेका पेरेजले एमबाप्पे आफुहरुसँग नआउने बताएका हुन् ।

च्याम्पियन्स लिगको फाइनल पुगेको क्लबले एमबाप्पेका लागि राखेको १ सय ५४ मिलियन पाउण्डको प्रस्ताव असफल बनेको छ । एमबाप्पेको क्लबसँगको सम्झौता यसै समरबाट सकिदैछ । उनले नयाँ गन्तव्यको रुपमा रियल जाने धेरैको अनुमान थियो ।

स्पेनिस फुटबलका विशेषज्ञ गुइलम बालागले स्रोतलाई उद्धित गर्दै पेरेजको भनाईलाई सार्वजनीक गरेका हुन् । उनका अनुसार पीएसजी र रियल एमबाप्पेका लागि तलब र बोनस गरेर १ सय ५० मिलियन दिन तयार छन् । 

मोनाकोका पूर्व स्टारले भनेका छन्, ‘म मेरो भविष्यका विषयमा भन्न सक्नि । तर यो तपाईले चाँडै थाहा पाउनुहुनेछ । यो निर्णय भैसकेको छ । यो सहि समय चाँही छैन ।’ 

पीएसजीले सन् २०१८ मा एमबाप्पेलाई १ सय ६६ मिलियन पाउण्डमा स्थायी रुपमा अनुबन्ध गरेको थियो । मोनाकोका फरवार्डले एक सिजन लोनमा बिताएर स्थायी रुपमा पीएसजीमा आएका थिए । 

उनी क्लब इतिहासमा नेयमारपछिका महङ्गा खेलाडी हुन् । उनले यस सिजनमात्र पीएसजीलाई लिग जिताउन २५ गोल गर्नुका साथै १७ गोलको अवसर सिर्जना गरेका थिए ।

मौरिसियो पोचिटिनोको क्लब च्याम्पियन्स लिगको अन्तिम १६ को खलमा भने नाटकीय रुपमा पराजित बनेको थियो ।