टोटेनहमको रंगशाला निर्माण अन्तिम चरणमा, 'सुनौलो भाले' आईपुग्यो

एजेन्सी । इंग्लिश क्लब टोटेनहमको घरेलु मैदान 'ह्वाइट हर्ट लेन' को निर्माण कार्य अन्तिम चरणमा पुगेको छ ।

टोटेनहमले हालै 'ह्वाइट हर्ट लेन' स्टेडियमको केहि तस्विर सार्वजनिक गर्दै रंगशाला निर्माण अन्तिम चरणमा पुगेको जनाएको छ ।

टोटेनहमले क्लबको प्रतिकको रुपमा रहेको 'सुनौलो भाले' को प्रतिमा समेत ह्वाइट हर्ट लेन आईपुगेको जनाएको छ ।

यस्तै क्लबले ४.५ मिटर अग्लो 'सुनौलो भाले' को प्रतिमा रंगशालाको छाना भागमा राखिसकेको जनाएको छ ।

निकै आधुनिक शैली र उच्च प्रविधिबाट निर्माण गरिएको यो रंगशाला नयाँ वर्षसंगै खुल्ला हुने जनाईएको छ । यस रंगशाला सन् २०१७ बाट निर्माण गर्न थालिएको थियो ।

यसअघि सेप्टेम्बर १५ बाट खुल्ला हुने बताएपनि निर्माण कार्य नसकिएको क्लबले जनाएको छ ।