एन्फा चुनाब : पूर्वका जिल्लाले पंकजलाई मतदान गर्ने प्रतिबद्धता

काठमाडौं । प्रदेश फुटबल संघ प्रदेश नम्बर १ ले अखिल नेपाल फुटबल संघ (एन्फा) को निर्वाचनमा प्रदेश १ को उम्मेदवारलाई मतदान गर्ने भएको छ ।

प्रदेश नम्बर १ को शुक्रबार बसेको भेलाले एन्फा निर्वाचनमा अध्यक्ष पदका लागि प्रदेश १ को उम्मेदवारलाई मतदान गर्ने निर्णय गरेको हो ।

भेलामा ११ जिल्ला फुटबल संघका प्रतिनिधि रहेका थिए । ११ जिल्ला मध्ये १० जिल्लालाई मताधिकार रहेको छ ।

एन्फाको निर्वाचन आगामी असार ६ गते हुनेछ ।  

वर्तमान अध्यक्ष कर्मा छिरिङ शेर्पा र उपाध्यक्ष पंकज नेम्बाङ अध्यक्षका आकाक्षी रहेका छन् ।