काठमाडौं । पहिलो टी-ट्वान्टीमा नेपाल पाहुना टोली जिम्बावे 'ए' सँग पराजित भएको छ।
टियु क्रिकेट मैदानमा आइतबार भएको खेलमा नेपाललाई जिम्बावे 'ए' ले ६ विकेटले हराएको हो ।
नेपालले दिएको १ सय ८२ रनको लक्ष्य जिम्बावे 'ए' ले १८ ओभर ५ बलमा ४ विकेट गुमाएर १ सय ८५ रन बनायो ।
जिम्बावेका लागि तडिवानाशे मरुमानीले सर्वाधिक ५६ रनको अर्धशतकीय इनिङ खेले ।
यस्तै कप्तान टोनी मुनयोङ्गाले ५० रनको इनिङ खेले । इनोसेन्ट कैयाले ४७ रन जोडे ।
नेपालका बसिर अहमदले २ तथा कप्तान सन्दीप लामिछाने र करण केसीले १/१ विकेट लिए ।
त्यसअघि पहिले ब्याटिङ गरेको नेपालले २० ओभरमा ५ विकेट गुमाएर १ सय ८१ रन बनाएको थियो ।
नेपालका लागि आदील आलमले अविजित रहदै सर्वाधिक ४७ रन बनाए ।
यस्तै कुशल भुर्तेलले ४६ रन जोडे ।
रोहित पौडेलले ३९ रन जोड्दा दिपेन्द्र सिंह ऐरीले २८ रन बनाए ।
आसिफ शेख ९ रनमा आउट हुँदा आरिफ शेख २ रनमा आउट भए ।
करण केसी ४ रनमा अविजित रहे ।
जिम्बावेका ब्राड इभान्स, लुक जोंग्वे,ब्राण्डन माभुता र जोन मासराले १/१ विकेट लिए ।
जितसँगै जिम्बावे 'ए' ले ३ खेलको सिरिजमा १-० को अग्रता बनाएको छ ।
आईसीसी पुरुष क्रिकेट विश्वकप लिग टु अन्तर्गत अमेरिकामा हुने त्रिकोणात्मक एकदिवसीय सिरिजको तयारीमा स्वरूप नेपालले जिम्बावे 'ए' सँग सिरिज खेलिरहेको हो ।
सिरिज अन्तर्गत नेपालले पाहुना टोलीसँग दोस्रो खेल सोमबार र तेस्रो खेल बुधबार खेल्नेछ ।
टी-ट्वान्टीपछि नेपालले एकदिवसीय सिरिज खेल्नेछ ।
