एन्फा निर्वाचन : चितवनमा कार्की, दाङमा धिताल

काठमाडौं । जिल्ला फुटबल संघ चितवनको अध्यक्षमा श्रीकृष्ण कार्की पुन: निर्वाचित भएका छन् ।

शनिबार भएको साधारण सभाबाट कार्की निर्विरोध निर्वाचित भएका हुन् ।

यस्तै उपाध्यक्षमा अनिल शाक्य,विजय घले र विनोद लामा निर्वाचित भए ।

सदस्यमा दीपक गुरुङ, लाल सिंह गुरुङ, शम्भु विक, रणबहादुर घले, नविन बस्याल, वरुण बस्नेत, अरुणराज वन्त, प्रेमबहादुर गुरुङ, ध्रुव भुसाल, शकुन्तला खड्का र कृष्णबहादुर कार्की निर्वाचित भए ।

संघको महासचिवमा रामहरि ढकाल र कोषाध्यक्षमा प्रविण जोशी मनोनित भए ।

यस्तै जिल्ला फुटबल संघ दाङको अध्यक्षमा सन्जात धिताल निर्वाचित भएका छन् । उनी निर्विरोध निर्वाचित भएका हुन् ।

अखिल नेपाल फुटबल संघ (एन्फा)को केन्द्रिय निर्वाचन असार ६ गते हुँदैछ । केन्द्रिय निर्वाचन अघि जिल्लाको निर्वाचन धमाधम भईरहेको छ ।