संखुवासभा जिल्ला फुटबलको अध्यक्षमा भरत घिमिरे 

काठमाडौं । संखुवासभा जिल्ला फुटबल संघको अध्यक्षमा भरत घिमिरे निर्वाचित भएका छन् ।

बिहीबार भएको संघको साधारण सभाबाट घिमिरे सर्वसम्मत अध्यक्षमा निर्वाचित भएका हुन् ।

यस्तै उपाध्यक्षमा मुकुन्द श्रेष्ठ, कपुर घिमिरे र अशिम जिमी निर्वाचित भए । महासचिवमा दीपेन्द्र कार्की र कोषाध्यक्षमा जिल्ला मान राइ छन् ।

सदस्यहरुमा सुजन श्रेष्ठ, जीवन श्रेष्ठ, राज कुमार राई, खगेन्द्र कार्की, गौरीमान राई, शशिकला लिम्बू, फुर्बा शेर्पा, दिनेश राई, मिनेस चापागाईं, भिम जिमि र मणिराज गुरुङ निर्वाचित भए ।

अखिल नेपाल फुटबल संघ (एन्फा)को केन्द्रिय निर्वाचन असार ६ गते हुँदैछ । केन्द्रिय निर्वाचन अघि जिल्लाको निर्वाचन धमाधम भईरहेको छ ।