चौथो संस्करणको फारवेष्ट कप मंसिर दोस्रो साताबाट

धनगढी । फारवेष्ट पशुपति कप फुटबल प्रतियोगिताको चौथो संस्करण आगामी मंसिर दोस्रो साताबाट सुरु हुने भएको छ ।

धनगढी रंगशालामा हुने प्रतियोगिता मंसिर १४ बाट २१ गतेसम्म सञ्चालन हुने भएको हो ।

आयोजक फारवेष्ट पशुपति युवा क्लबले शुक्रबार पत्रकार सम्मेलन गर्दै चौथो संस्करणको प्रतियोगिता हुने जनाएको हो । प्रतियोगिता आउन एकमहिना बाँकी रहेको भएपनि प्रतियोगिताको तयारी सुरु गरेको क्लबका अध्यक्ष खेम रावतले जानकारी दिए ।

१६ टिमको सहभागिता रहने प्रतियोगिताको विजेताले नगद ४ लाख र उपविजेताले नगद २ लाख सहित ट्रफी प्रदान गरिनेछ ।