पुलिसको जित, धनगढी पराजित

काठमाडौं । राष्ट्रिय महिला लिग फुटबलमा विभागीय टोली नेपाल पुलिस क्लबले जित निकालेको छ ।

चितवनको भरतपुरमा बुधबार भएको खेलमा पुलिसले चन्द्रपुर नगरपालिकालाई २-१ गोल अन्तरले हराएको हो ।

पुलिसको जितमा मनिषा राउत र रेखा पौडेलले एक एक गोल गरिन ।

चन्द्रपुरकी रोजिना श्रेष्ठले एक गोल फर्काइन ।

जितसँगै पुलिसले ५ खेलमा १२ अंक जोडेको छ ।

पुलिस दोस्रो स्थानमा रहेको छ ।

चन्द्रपुरले ५ खेलमा १ अंक जोडेको छ ।

अर्को खेलमा विराटनगर महानगरपालिकाले धनगढी उपमहानगरपालिकालाई १-० ले हराएको छ ।

विराटनगरको जितमा विपना राईले निर्णायक गोल गरिन् ।

विराटनगरले ५ खेलमा १० अंक जोडेको छ ।

धनगढीले ५ खेलमा ९ अंक जोडेको छ ।