चर्च ब्वाइज ए डिभिजनमा बढुवा 

काठमाडौं । चर्च ब्वाइज युनाईटेड सहिद स्मारक 'ए' डिभिजन लिग फुटबलमा बढुवा भएको छ ।

सहिद स्मारक 'बी' डिभिजन लिग अन्तर्गत मंगलबार बाँसबारी क्लबलाई ५-१ गोल अन्तरले हराउँदै चर्च ब्वाइज शीर्ष डिभिजनमा उक्लिएको हो ।

एन्फा कम्प्लेक्स सातदोबाटोमा चर्च ब्वाइजलाई जित दिलाउन साइमन लिम्बुले ह्याट्रिकसहित ४ गोल गरे ।

खेलको सातौं  मिनेटमा साइमनले गोल गर्दै चर्च ब्वाइजलाई सुरुआती अग्रता दिलाएका थिए ।

१७ औं मिनेटमा आशिष चौधरीले गोल गर्दै चर्च ब्वाइजको अग्रता दोब्बर बनाए ।

खेलको ३७ औं मिनेटमा साइमनले व्यक्तिगत दोस्रो गोल गर्दै टिमको अग्रता ३-० को बनाए ।

खेलको ४१ औं मिनेटमा साइमनले पेनाल्टीबाट गोल गर्दै ह्याट्रिक पूरा गरेपछि चर्च ब्वाइज ४-१ ले अघि रह्यो ।

५८ औं मिनेटमा संजय धिमालले  गोल गर्दै बाँसबारीलाई ४-१ को स्थितिमा ल्याए ।

त्यसपछि खेलको ८१ औं मिनेटमा साइमनले पेनाल्टीबाट  व्यक्तिगत चौंथो गोल गर्दै चर्च ब्वाइजलाई ५-१ को जित दिलाए ।

यस जितसँगै शीर्ष स्थानको चर्च ब्वाइजले १२ खेलमा २६ अंक जोडेको छ । र, चर्च ब्वाइज एक खेल अगाबै च्याम्पियन बनेको हो ।

बाँसबारीले १२ खेलमा १६ अंक जोडेको छ ।

चर्च ब्वाइज 'बी' लिग खेलेको पहिलो सिजनमै शीर्ष डिभिजनमा बढुवा भएको हो ।

चर्च ब्वाइजले बिस २०७७ मा 'सी' डिभिजन लिग खेलेको थियो ।