सिटीको सहज जित

काठमाडौं । इंग्लिस प्रिमियर लिग फुटबलमा शीर्ष स्थानको म्यानचेस्टर सिटीले सहज जित निकालेको छ ।

शनिबार राति भएको खेलमा सिटीले बर्नलीलाई २-० गोल अन्तरले हराएको हो ।

खेलको पाँचौं मिनेटमा केभिन डी ब्रुएनले गोल गर्दै सिटीलाई सुरुआती अग्रता दिलाएका थिए ।

त्यसपछि खेलको २५ औं मिनेटमा इल्के गुन्डोगानले गोल गर्दै सिटीलाई २-० को जित दिलाए ।

जितसँगै सिटीले ३० खेलमा ७३ अंक जोडेको छ ।

बर्नली २१ अंक जोडेर १९ औं स्थानमा रहेको छ ।