विरगंजले श्री कुमारीलाई हरायो

काठमाडौं । सहिद स्मारक 'बी' डिभिजन लिग फुटबलमा विरगंज युनाईटेडले जित निकालेको छ ।

एन्फा कम्प्लेक्समा शनिबार भएको खेलमा विरगंजले श्री कुमारी क्लबलाई ३-१ गोल अन्तरले हराएको हो ।

खेलको पहिलो मिनेटमा सन्देश चौधरीले गोल गर्दै विरगंजलाई सुरुआती अग्रता दिलाएका थिए ।

खेलको ४६ औं मिनेटमा क्रिपाकान्त महतो थारुले गोल गर्दै विरगंजलाई २-० को अग्रता दिलाए ।

खेलको ७६ औं मिनेटमा अरुज सिंहले गोल गर्दै श्री कुमारीलाई २-१ को स्थितिमा ल्याए ।

त्यसपछि खेलको ८९ औं मिनेटमा क्रिपाकान्तले व्यक्तिगत दोस्रो गोल गर्दै विरगंजलाई ३-१ को जित दिलाए ।

जितसँगै विरगंजले ११ खेलमा १३ अंक जोडेको छ ।

श्री कुमारीले ११ खेलमा १३ अंक नै जोडेको छ ।

अर्को खेलमा आरसिटीले बाँसबारीलाई २-१ ले हराएको छ ।

आरसिटीको जितमा विश्वास थापा मगर र अमर डंगोलले एक एक गोल गरे ।

बाँसबारीका टंक प्रसाद गुरुङले एक गोल फर्काए ।