मेक्सिको र अमेरिका विश्वकपमा छनोट

काठमाडौं । मेक्सिको र अमेरिका कतारमा आयोजना हुने फिफा विश्वकप फुटबलमा छनोट भएको छ । 

विश्वकप छनोट अन्तर्गत बिहीबार मेक्सिकोले एल स्लाभाडोरलाई २-० ले हराएर विश्वकपको यात्रा तय गरेको हो ।

खेलको १७ औं मिनेटमा उरिएल अन्टुनाले गोल गर्दै मेक्सिकोलाई सुरुआती अग्रता दिलाएका थिए ।

त्यसपछि खेलको ४३ औं मिनेटमा राउल जेमिनेजले पेनाल्टीबाट गोल गर्दै मक्सिकोलाई २-० को जित दिलाए ।

यस जितसँगै कोन्काफ क्षेत्रको छनोटमा मेक्सिकोले १४ खेलमा २८ अंक जोडेको छ ।

मेक्सिको दोस्रो स्थानमा रह्यो ।

१० अंक जोडेको स्लाभाडोर सातौं स्थानमा रह्यो ।

यस्तै अमेरिका कोस्टारिकासँग पराजित भएपनि विश्वकपमा पुगेको छ ।

अमेरिकालाई कोस्टारिकाले २-० ले हराएको हो ।

कोस्टारिकालाई जित दिलाउन भर्गास र एन्थोनीले एक एक गोल गरे ।

हारको बाबजुत अमेरिका १४ खेलमा २५ अंक जोडेर तेस्रो स्थानमा रहदै विश्वकपमा पुगेको हो ।

कोस्टारिका २५ अंक जोडेर चौंथो स्थानमा रह्यो ।

कोस्टारिकाले अब अन्तर महादेशीय प्ले अफमा न्युजिल्याण्डसँग प्रतिस्पर्धा गर्नेछ ।