आर्मीलाई पुलिसले हरायो

काठमाडौं । राष्ट्रिय महिला लिग फुटबलमा विभागीय टोली नेपाल पुलिस क्लबले जित निकालेको छ ।

चितवनको भरतपुरमा बुधबार भएको खेलमा पुलिसले अर्को विभागीय टोली त्रिभुवन आर्मी क्लबलाई २-१ गोल अन्तरले हराएको हो।

खेलको १३ औं मिनेटमा निरु थापाले गोल गर्दै पुलिसलाई अग्रता दिलाएकी थिइन ।

७० औं मिनेटमा पुनम जर्गा मगरले गोल गर्दै आर्मीलाई १-१ को बराबरीमा ल्याईन ।

त्यसपछि खेलको ७४ औं मिनेटमा निर्मला उपाध्यायले गोल गर्दै पुलिसलाई २-१ को जित दिलाईन ।

जितसँगै पुलिसले ३ खेलमा ६ अंक जोडेको छ ।

पुलिस तेस्रो स्थानमा रहेको छ ।

आर्मी ३ खेलमा ३ अंक जोडेर पाँचौं स्थानमा रहेको छ ।