इंग्ल्यान्डले आइभरी कोस्टलाई हरायो

काठमाडौं । अन्तराष्ट्रिय मैत्रीपूर्ण खेलमा इंग्ल्यान्डले आइभरी कोस्टलाई हराएको छ । 

मंगलबार राति भएको खेलमा इंग्ल्यान्डले आइभरी कोस्टलाई ३-० ले हराएको हो । 

खेलको ३० औं मिनेटमा ओली वाट्कीन्सले गोल गर्दै इंग्ल्यान्डलाई अग्रता दिलाएका थिए । 

४० औं मिनेटमा सेर्जी एरिएरले रातो कार्ड पाएपछि आइभरी कोस्ट १० खेलाडीमा समेटिएको थियो । 

४५ औं मिनेटमा रहिम स्ट्रर्लिङले गोल गर्दै इंग्ल्यान्डलाई २-० को अग्रता दिलाए । 

त्यसपछि खेलको इन्जुरी समयमा मिङ्सले गोल गर्दै इंग्ल्यान्डलाई ३-० को जित दिलाए । 

मैत्रीपूर्ण खेलमै डेनमार्कले सर्बियालाई ३-० ले हराएको छ ।

वेल्सले चेक रिपब्लिकसँग १-१ गोलको बराबरी खेलेको छ ।