युएईसँग हार्यो दक्षिण कोरिया

काठमाडौं । फिफा विश्वकप छनोटमा युएईले दक्षिण कोरियालाई हराएको छ ।

एएफसी छनोट अन्तर्गत मंगलबार भएको खेलमा युएईले दक्षिण कोरियालाई १-० ले हराएको हो ।

युएईलाई जित दिलाउन हरिब अब्दल्ला सुहेलले निर्णायक गोल गरे ।

उनले खेलको ५४ औं मिनेटमा गोल गरेका थिए ।

यस जितसँगै समूह ए को युएईले १० खेलमा १२ अंक जोडेको छ ।

युएई तेस्रो स्थानमा रहेको छ ।

युएईले छनोटको प्ले अफ अन्तर्गत अष्ट्रेलियासँगको भेट समेत पक्का गरेको छ  ।

दक्षिण कोरिया २३ अंक जोडेर दोस्रो स्थानमा रहेको छ ।

दक्षिण कोरिया यस अघि नै विश्वकपमा छनोट भईसकेको छ ।

अर्को खेलमा इरानले लेबनानलाई २-० ले हराएको छ ।

इराक र सिरिया १-१ गोलको बराबरीमा रोकिएको छ ।