काठमाडौं । वायन रोनी मनमा कुरा लुकाएर केही नबोल्ने खालका होइनन् । यिनै रोनीले भर्खर एक अन्तर्वार्तामा क्रिस्टियानो रोनाल्डोबारे आफ्नो मनमा कुरा खुलस्त बोलेका छन् ।
रोनीले म्यानचेस्टर युनाइटेडमा आफ्ना पूर्व साथी खेलाडीबारे भनेका छन्, ‘रोनाल्डो राम्रा खेलाडी त हुन नै, तर उनी अरूलाई चिढाउन माहिर छन् ।’
सन् २००६ को विश्वकपमा इंग्ल्यान्ड र पोर्चुगलको क्वाटरफाइनलमा भेट भएको थियो, त्यस क्रममा रोनाल्डोले रोनीलाई सकेसम्म समस्यामा पार्ने प्रयास गरेका थिए र उनको एक मात्र उद्देश्य थियो, यी इंग्लिस खेलाडीलाई सक्दो चिढाउने, अनि रातो कार्डको भागीदार बनाउने । रोनी भन्छन्, ‘रोनाल्डो डाइभिङ गर्न पनि उत्तिकै माहिर छन् ।’
अहिले रोनी ३७ वर्षका भए र थप्छन्, व्यक्तिगत रूपमा उनीहरू दुई जनाबीच कुनै समस्या भने छैन् । बरू मान्छन्, अचेल उनीहरू व्यक्तिगत सम्बन्ध राम्रै छ ।
उनी भन्छन्, ‘म इंग्लिस हुं, उनी पोर्चुगाली । जति बेला हामी खेल्छौं, मलाई उनीबारे कुनै मतलब छैन् । उनी मेरा साथी पनि होइनन् । तर खेल सकेपछि यस्तो सम्बन्ध कायम हुन्न ।’
–मार्काको सहयोगमा ।
