स्वदेश फर्किए राष्ट्रिय टिम

काठमाडौं । मैत्रीपूर्ण खेलका लागि थाइल्याण्ड गएको नेपाली राष्ट्रिय फुटबल टोली आज स्वदेश फर्किएका छन् ।

अखिल नेपाल फुटबल संघ (एन्फा) ले नेपाली टोली सोमबार बेलुका स्वदेश फर्किएको जनाएको छ ।

नेपालले थाइल्याण्डमा दुई मैत्रीपूर्ण खेल खेलेको थियो ।

नेपालले थाइल्याण्डसँग २-० गोलको हार व्यहोरेको थियो ।

यस्तै थाइल्याण्डको क्लब चोनबुरी एफसीसँग ३-१ गोल अन्तरले पराजित भएको थियो  ।

एएफसी एसियन कप छनोटको तेस्रो चरणको तयारीका लागि नेपाल मैत्रीपूर्ण खेल्न थाइल्याण्ड गएको हो ।

एसियन कप छनोटमा नेपाल  समूह 'ए' मा रहेको छ । नेपाल रहेको समूहमा कुवेत, इन्डोनेसिया र जोर्डन रहेका छन् ।

नेपालको समूहको छनोट खेलहरु कुवेतमा आयोजना हुनेछ । छनोट खेलहरु जुन ८ देखि १४ सम्म हुनेछ ।

नेपालले जुन ८ मा जोर्डनसँग खेल्दै छनोटको सुरुआत गर्नेछ ।

दोस्रो खेलमा नेपालले जुन ११ मा कुवेतको सामना गर्नेछ ।

नेपालले जुन १४ मा इन्डोनेसियाविरुद्ध खेल्नेछ ।