आर्मी र विराटनगरको जित

काठमाडौं । राष्ट्रिय महिला लिग फुटबलमा त्रिभुवन आर्मी फुटबल क्लब र विराटनगर महानगरपालिकाले जित निकालेका छन् ।

चितवनको भरतपुरमा आइतबार भएको खेलमा आर्मीले ललितपुर महानगरपालिकालाई ७-० गोल अन्तरले हरायो।

आर्मीलाई जित दिलाउन शर्मिला थापा मगर र रश्मी घिसिङले २/२ गोल गरिन ।

विमला चौधरी र कुशुम खतिवडाले १/१ गोल गरे ।

ललितपुरका सिर्जना सिंहले एक आत्मघाती गोल गरिन ।

अर्को खेलमा विराटनगरले वालिङनगरपालिकालाई ३-१ ले हराएको छ ।

विराटनगरको जितमा मिना खातुनले २ गोल गर्दा अश्मिता चौधरीले १ गोल गरिन ।

वालिङकी सुस्मिता तामाङले एक गोल फर्काईन ।