सन्दीप बने विश्वको दोस्रो छिटो ५० विकेट लिने खेलाडी

काठमाडौं । नेपाली कप्तान सन्दीप लामिछानेले एकदिवसीय अन्तराष्ट्रिय क्रिकेटमा ५० विकेट हात पारेका छन् । सन्दीपले सनिबार पपुवा न्युगिनीविरुद्धको खेलमा विकेट लिएसँगै सन्दीपले एकदिवसीय अन्तराष्ट्रियमा ५० विकेट पुरा गरेका हुन् ।

 एकदिवसीय अन्तराष्ट्रियमा ५० विकेट पुरा गर्ने पहिलो नेपाली खेलाडी बनेका छन् । उनले २२ खेलमा यो सफलता हात पारेका हुन् ।

यस्तै सन्दीप एकदिवसीय अन्तराष्ट्रियमा सर्वाधिक छिटो ५० विकेट लिने विश्वका दोस्रो खेलाडी बनेका छन् । सन्दीपले भारतका अजित अगरकरको कीर्तिमान भंग गरे । अजितले यसअघि २३ खेलमा ५० विकेट पुरा गर्दै सर्वाधिक छोटो ५० विकेट लिने दोस्रो खेलाडी बनेका थिए ।

सन्दीप भन्दाअघि श्रीलंकाका अजन्था मेन्डिस १९ खेलमा ५० विकेट लिंदै पहिलो स्थानमा छन् ।

सन्दीपले सन २०१८ बाट एकदिवसीय अन्तराष्ट्रिय क्रिकेट खेल्दै आएका छन् ।