फ्रान्सले आइभरी कोस्टलाई हरायो

काठमाडौं । फ्रान्सले अन्तराष्ट्रिय मैत्रीपूर्ण खेलमा आइभरी कोस्टलाई हराएको छ ।

शुक्रबार राति भएको खेलमा फ्रान्सले आइभरी कोस्टलाई २-१ गोल अन्तरले हराएको हो ।

फ्रान्सले एक गोलको अग्रता उल्टाएर आइभरी कोस्टलाई हराएको हो ।

खेलको १९ औं मिनेटमा निकोलस पेपेले गोल गर्दै आइभरी कोस्टलाई सुरुआती अग्रता दिलाएका थिए ।

तर, खेलको २२ औं मिनेटमा ओलिभर जिरुडले गोल गर्दै फ्रान्सलाई १-१ गोलको बराबरीमा ल्याए ।

त्यसपछि खेलको इन्जुरी समयमा ओरेलिन चुमेनीले गोल गर्दै फ्रान्सलाई २-१ को जित दिलाए  ।