सरस्वतीले श्री भगवतीलाई हरायो

काठमाडौं । सरस्वती युथ क्लबले सहिद स्मारक 'बी' डिभिजन लिग फुटबल जित निकालेको छ ।

एन्फा कम्प्लेक्समा शुक्रबार भएको खेलमा सरस्वतीले श्री भगवती क्लबलाई २-१ गोल अन्तरले हराएको हो ।

खेलको ४४ औं मिनेटमा सनम धिमालले गोल गर्दै सरस्वतीलाई अग्रता दिलाएका थिए।

४८ औं मिनेटमा सुनिल श्रेष्ठले गोल गर्दै श्री भगवतीलाई १-१ को बराबरीमा ल्याए ।

त्यसपछि खेलको ८१ औं मिनेटमा सनमले व्यक्तिगत दोस्रो गोल गर्दै सरस्वतीलाई २-१ को जित दिलाए ।

जितसँगै सरस्वतीले ८ खेलमा १५ अंक जोडेको छ।

सरस्वती दोस्रो स्थान उक्लिएको छ ।

श्री भगवतीले ८ खेलमा १३ अंक जोडेको छ ।