काठमाडौं । एपीएफ क्लबले राष्ट्रिय महिला लिग फुटबलमा एपीएफले विजयी सुरुआत गरेको छ ।
चितवनको भरतपुरमा भएको उद्घाटन खेलमा त्रिभुवन आर्मी क्लबलाई २-१ गोल अन्तरले हराउँदै एपीएफले सुखद सुरुआत गरेको हो ।
एपीएफलाई जित दिलाउन रेनुका नगरकोटी र अनिता बस्नेतले एक एक गोल गरिन् ।
आर्मीका रश्मी कुमारी घिसिङले एक गोल फर्काईन ।
एपीएफले एक गोलको सुरुआती अग्रता उल्टाएर जित निकालेको हो ।
यस्तै यस खेलबाट एपीएफका फरवार्ड सावित्रा भण्डारीले पुनरागमन गरेकी छिन् ।
खेलको ६० औं मिनेटमा रबिना गोलेको स्थानमा उनी मैदान प्रवेश गरेकी थिइन् ।
घुँडाको चोटबाट मुक्त हुँदै उनी खेलमा फर्किएकी हुन् ।
महिला लिगमा ८ टिमको सहभागिता रहेको छ ।
लिगमा एपीएफ क्लब, त्रिभुवन आर्मी क्लब, नेपाल पुलिस क्लब, विराटनगर महानगरपालिका, वालिङ नगरपालिका, चन्द्रपुर नगरपालिका, धनगढी उपमहानगरपालिका र ललितपुर महानगरपालिकाको सहभागिता रहेको छ ।
-1753017726.jpeg)
