काठमाडौं । सहिद स्मारक बी डिभिजन लिग क्लब श्री भगवतीका मुख्य प्रशिक्षक शैलेश कर्माचार्यलाई तीन खेलको प्रतिबन्ध लागेको छ ।
अखिल नेपाल फुटबल संघ (एन्फा) ले बिहीबार प्रशिक्षक कर्माचार्यलाई तीन खेलको प्रतिबन्ध गरिएको जनाएको छ ।
यस्तै क्लबलाई ५० हजार जरिवाना गरिएको एन्फाले जनाएको छ ।
बी लिग अन्तर्गत बाँसबारीविरुद्धको खेलमा २-१ ले पराजित भएपछि श्री भगवती क्लबका पदाधिकारीहरु मैदानमा प्रवेश गरेर रेफ्री सुमन श्रेष्ठमाथि हातपात गरेका थिए ।
यस्तै एन्फाले श्री भगवतीका म्यानेजर दिपेन्द्र डंगोल, राजाराम श्रेष्ठ र बिक्रम डंगोललाई लिगका बाँकी खेलमा प्रतिबन्ध गरिएको जनाएको छ ।
-1753017726.jpeg)
