जितपुरसिमरा गोल्डकपको उद्घाटनमा सुदूरपश्चिम ११ र फ्रेन्ड्स भिड्दै 

निजगढ । बाराको सिमरामा आज बिहीबारदेखि जितपुरसिमरा गोल्डकप फुटबल प्रतियोगिता सुरु हुदैछ । 

१२ औ संस्करणको उद्घाटन खेलमा सुदूरपश्चिम ११ र फ्रेन्ड्स क्लवले प्रतिस्पर्धा गर्दैछन । 

फ्लड लाईटमा संचालन हुने खेल सिमरा रंगशालामा साझ ५ः३० बजेदेखि शुरु हुनेछ ।

प्रतियोगितालाई मधेश प्रदेशका मुख्यमन्त्री मोहम्मद लालबाबु राउत गद्धिले उद्घाटन गर्नेछन् ।

चैत १९ गतेसम्म संचालन हुने प्रतियोगितामा आयोजक नवजनजागृति युवा क्लव सिमरा बारा सहित सुदूरपश्चिम ११, फ्रेन्ड्स, बाग्मती युवा क्लव सर्लाही, विजय युथ मकवानपुर, बीएफसी चितवन, नेपाल एपीएफ क्लव, हिमालयन शेर्पा क्लब, न्युरोड टिम (एनआरटी) र साबिक बिजेता संकटा क्लवको सहभागिता रहनेछ । 

प्रतियोगिताको विजेताले उपाधि सहित १० लाख रुपैंया प्राप्त गर्नेछ भने उपविजेताले ५ लाख रुपैंया प्राप्त गर्नेछ । 

प्रतियोगिताको उत्कृष्ट खेलाडीले मोटरसाइकल अथवा स्कुटर प्राप्त गर्ने आयोजक नवजनजागृति युवा क्लव सिमरा बाराका अध्यक्ष रामचन्द्र लामाले बताए । 

प्रतियोगिता अवधिभरी विधागत रुपमा उत्कृष्ट प्रदर्शन गर्ने गोलरक्षक, डिफेन्डर, मिडफिल्डर, फरवार्ड, प्रशिक्षक र उच्च गोलकर्ताले जनही २० हजार रुपैंया प्राप्त गर्नेछन भने स्थानीय उदयीमान खेलाडीले १५ हजार रुपैंया प्राप्त गर्नेछन । 

प्रतियोगिताको कुल लागत ८३ लाख रुपैंया अनुमान गरिएकोछ ।