फुटबल टिमलाई टिम अफ द इयर अवार्ड 

काठमाडौं । नेपाली पुरुष फुटबल टिमले एनएसजेएफ पल्सर स्पोर्टस अवार्ड अन्तर्गत टिम अफ द इयरको अवार्ड जितेको छ । 

नेपाल खेलकुद पत्रकार मञ्चले मंगलबार प्रज्ञा प्रतिष्ठान कमलादीमा आयोजना गरेको भब्य कार्यक्रमबीच फुटबल टिमलाई अवार्ड प्रदान गरेको हो । 

फुटबल टोलीले २०७७ सालमा ५ खेल खेलेको थियो । 

त्यसमध्ये १ जित, ३ बराबरी र १ हारको नतिजा निकालेको थियो । 

घरेलु मैदानमा थ्री नेसन्स कप मैत्रीपूर्ण प्रतियोगितामा फुटबल टोलीले बंगलादेशसँग १ बराबरी र १ जित तथा किर्गिस्तान यू–२३ टोलीसँग बराबरी खेलेको थियो । 

मैत्रीपूर्ण प्रतियोगिता नेपालले जितेको थियो ।