मध्यपुरले खुमलटारलाई हरायो

काठमाडौं । सहिद स्मारक 'बी' डिभिजन लिग फुटबल प्रतियोगितामा मध्यपुर युथ एसोसियसनले जित निकालेको छ ।

एन्फा कम्प्लेक्समा सोमबार भएको खेलमा मध्यपुरले खुमलटार युथ क्लबलाई १-० गोल अन्तरले हराएको हो ।

मध्यपुरको जितमा सजिन थापा मगरले निर्णायक गोल गरे । उनले खेलको १६ औं मिनेटमा फ्रिकिकमार्फत गोल गरेका हुन् ।

जितसँगै मध्यपुरले ७ खेलमा ७ अंक जोडेको छ ।

खुमलटारले ७ खेलमा ९ अंक जोडेको छ ।

लिगमा १४ क्लबले सिंगल राउण्ड रोबिन लिगको आधारमा प्रतिस्पर्धा गरिरहेका छन् ।

शीर्ष दुई टोली 'ए' लिगमा बढुवा हुने छन् । यस्तै पुछारका दुई टोली  रेलिगेसनमा पर्ने छन् ।