बराबरीमा रोकियो डर्टमण्ड

काठमाडौं । जर्मन बुन्डेसलिगा फुटबलमा बोरुसिया डर्टमण्ड बराबरीमा रोकिएको छ ।

आइतबार राति भएको खेलमा डर्टमण्डले एफसी कोलोग्नेसँग १-१ गोलको बराबरी खेलेको हो ।

खेलको आठौं मिनेटमा मारिउस वुल्फले गोल गर्दै डर्टमण्डलाई सुरुआती अग्रता दिलाएका थिए ।

तर, खेलको ३६ औं मिनेटमा इबास्टियन एण्डरसनले गोल गर्दै कोलोग्नेलाई १-१ गोलको बराबरीमा ल्याएका थिए ।

बराबरीसँगै डर्टमण्डले ५७ अंक जोडेको छ । र, दोस्रो स्थानमा रहेको छ ।

कोलोग्ने ४० अंक जोडेर सातौं स्थानमा रहेको छ ।