आरसिटीको पहिलो जित

काठमाडौं । रानीपोखरी कर्नर टिम (आरसिटी) ले सहिद स्मारक 'बी' डिभिजन लिग फुटबलमा पहिलो जित निकालेको छ ।

एन्फा कप्लेक्स सातदोबाटोमा आइतबार भएको खेलमा मध्यपुर युथ एसोसिएसनलाई २-० गोल अन्तरले हराउँदै आरसिटीले पहिलो जित निकालेको हो ।

खेलको पहिलो मिनेटमा अमर डंगोलले गोल गर्दै आरसिटीलाई सुरुआती अग्रता दिलाएका थिए ।

त्यसपछि खेलको ७६ औं मिनेटमा सागर थारुले गोल गर्दै आरसिटीलाई २-० को जित दिलाए ।

जितसँगै आरसिटीले २ खेलमा ३ अंक जोडेको छ ।

पहिलो खेलमा आरसिटी खुमलटार युथ क्लबसँग ३-१ ले पराजित भएको थियो  ।

मध्यपुरको यो पहिलो हार हो । पहिलो खेलमा मध्यपुरले सामाजिक युवा क्लबलाई ५–२ गोल अन्तरले पराजित गरेको थियो ।

मध्यपुरले २ खेलमा ३ अंक जोडेको छ ।

लिगमा १४ क्लबले सिंगल राउण्ड रोबिन लिगको आधारमा प्रतिस्पर्धा गरिरहेका छन् ।

शीर्ष दुई टोली 'ए' लिगमा बढुवा हुने छन् । यस्तै पुछारका दुई टोली  रेलिगेसनमा पर्ने छन् ।