श्री कुमारी र सामाजिक युथ बराबरीमा 

काठमाडौं । सहिद स्मारक ‘बी’ डिभिजन लिग फुटबल अन्तर्गत श्री कुमारी क्लब र सामाजिक युथ क्लबले बराबरी खेलेका छन् ।

एन्फा कम्पलेक्स सातदोबाटोमा आईतबार भएको खेलमा श्री कुमारी र सामाजिक युथले ३–३ को बराबरी खेलेका हुन् ।

श्री कुमारीका लागि राज भुषाल, दिपेन मगर र लक्ष्मण मान थारु एक–एक गोल गरे । 

सामाजिक युथक लागि बसन्त बहादुर राना, सुरेश खत्री र कृष्ण भण्डारीले एक–एक गोल गरे । 

श्री कुमारीले खेलको २९ औ मिनेटमा राज भुषालको गोलको मदतमा अग्रता लिएको थियो । 

तर सामाजिक युथका बसन्त बहादुर रानाले ३७ औ मिनेटमा गोल गर्दै खेललाई १–१ को बराबरीमा ल्याए । 

सामाजिक युथका सुरेश खत्रीले ४४ औ मिनेट तथा कृष्ण भण्डारीले ५१ औं मिनेटमा गर्दै गर्दै ३–१ को अवस्थामा पुर्याए । 

तर ५९ औं मिनेटमा दिपेन मगर तथा ७३ औ मिनेटमा लक्ष्मण मान थारुले गोल गर्दै श्री कुमारीलाई हारबाट जोगाए ।

श्री कुमारीको यो लगातार दोस्रो बराबरी हो । 

सामाजिक युथले भने दुई खेलमा १ अंक जोडेको छ ।