विश्वकपको उदघाटन खेल न्यूजिल्यान्ड र वेस्ट इन्डिजबीच

काठमडौं । आईसीसी महिला विश्वकप क्रिकेट शुक्रबारबाट न्यूजिल्यान्डमा सुरु हुँदैछ । 

विश्वकपको उदघाटन खेलमा आयोजक न्यूजिल्यान्डले वेस्ट इन्डिजको सामना गर्नेछ । 

न्यूजिल्यान्ड र वेस्ट इन्डिजबीचको खेल मौन्गानुईमा हुनेछ । 

विश्वकपमा आठ टिमको सहभागिता रहेको छ । 

आयोजक न्यूजिल्यान्डसहित अष्ट्रेलिया, इंग्ल्यान्ड, भारत, पाकिस्तान, दक्षिण अफ्रिका, वेस्ट इन्डिज र बंगलादेश रहेका छन् ।

राउन्ड रोविनको आधारमा हुने प्रतियोगिताको शीर्ष चार टोली सेमिफाइनल प्रवेश गर्नेछन् ।

प्रतियोगिताको फाइनल अप्रिल ३ मा क्रिसचर्चमा हुनेछ ।